http://reaah.com/dewan http://www.saphplesson.org ar محمد الخريف 2011-05-12 الشعر النبطي http://reaah.com/dewan/lesson-152-1.html http://reaah.com/dewan/lesson-152-1.html#comments سجدت وقلت ياربي



سجدت وقلت ياربي طلبتك يالله الغفران
انا وقلبي سجدنا لك وهذي ربي التوبه

ذنوبي ارهقتني وانت تعلم مايكون وكان
وانا لانيب لاراهب ولاشيخ قصر ثوبه

انا مسلم ولكني خلطت الذنب باالايمان
اصارع مره ابليس (ن) ومره اتبع دروبه

اتوه بعالم مظلم يزين دربي الشيطان
وانا ناسي بان الموت يجي والروح مطلوبه

وش احمل يوم يسالني عن ذنوبي عظيم الشان
اليامن صاحوا عيالي وقالوا مات عزوبه

الياحطيت في قبري وبدا يدفني الدفان
وبدت حولي علامات العذاب وزادت كروبه

الياضاق القبر فيني وبدت في جسمي الديدان
وجاني من يحاسبني ومعه غلطات مكتوبه

معه كل ماجنت نفسي صغير او كبيرا كان
وشفت بعيني الزله وذا محمد وذي ذنوبه

هذاك اليوم فاتتك الصلاه بوسوسة شيطان
وهذاك اليوم مع شخص كذبت وقلت هالنوبه

هذاك اليوم في غفله نسيت انك بشر انسان
تشوف الموت بعيونك ولا تهتز للتوبه

وخذيت اسبوع ماتدعي ولاتقرا من القران
لهيت بشعرك وتكتب من اجل الحب ودروبه

هذاك اليوم بالمسجد تصلي والفكر سرحان
تهوجس بس بالدنيا بلا دمعات مسكوبه

وهذاك اليوم بالغيبه تكلمت بظهر انسان
ونسيت انك بشر مثله وعيوبك تغلب عيوبه

وهذاك اليوم من نظره خذاك المنظر الفتان
وراحت بك خطواي الغي لدربك يوم مروا به

وذي غلطه وذي نظره وذي زله بطرف لسان
ذنوبك لوهي صغيره تراها منك محسوبه

صحيح انا سترناها عليك برحمة الرحمان
ولكنك تماديت ونسيت ان العمر نوبه

وسالت دمعتي يالله بعفوك ربي المنان
تعين النفس لاضاقت وشفت النار مشبوبه

الايالله تجعلني من اللي برحمتك كسبان
اليا صارت موازين البشر بالحشر منصوبه

انا عبدك وياربي رجعت بقلبي الندمان
عسى رحمتك تشملني وهذي ربي التوبه







]]> محمد الخريف 2010-11-21 الشعر النبطي http://reaah.com/dewan/lesson-151-1.html http://reaah.com/dewan/lesson-151-1.html#comments (( ساعات ))


فيني حنين الشوق بين المحاني
وفيني جنون العاطفه بس بسكات

فيني بوسط الجوف شي كواني
جمر يشب بداخلي مابعد مات

ماطيق طاري البعد لو هو ثواني
احس في روحي من الوجد لوعات

لاياقصيدي وان جفتك المواني
للضيق حزات وللفرح حزات

وياحلم ياللي تالي الليل جاني
وفزيت من نومي على الخد دمعات

سمعت حس ابوي كنه دعاني
ورديت انا له سم ياكل الاصوات

ويالعنبوا هالحلم راح بثواني
لاشفت ابوي وزاد بالقلب حسرات

ياوقت وان حققت بعض الاماني
حلمي كبير وحدته عسر الاوقات

غربه وشيب وقلب واحساس ثاني
وجد والم وجروح هم وضيقات

حلم وسراب وليل بردن طواني
ليل الشتاء بارد ولافيه حيلات

ليل الحنين وصوت بعض الاغاني
او راشد الماجد اليا قال (ساعات )

معاه احس ان الحنين احتواني
لوقت اتمنى رجعته بس لحظات ]]> محمد الخريف 2010-11-11 مقالات وخواطر http://reaah.com/dewan/lesson-150-1.html http://reaah.com/dewan/lesson-150-1.html#comments شتاء موسكو



لم يدر بخلدي يوم من الايام وانا اعيش هذه السنوات ان ياتي يوم واكون في روسيا

لكن جيت وهذا انا داخل السنه الرابعه

تعلمت في هذا العالم او بروسيا بالتحديد ان النظام هو النظام وعند كل محل لازم تمسك دور

مافيه ياولد عمي تكفى الكل يوقف

تعلمت انك لازم تصبر اذا طلبت شغله سواء خاصه او عامه مافيه شي اسمه ابشر بعزك بكره عندك !!

تعلمت كيف اني مادخل سوق الخضار واخذ كرتون واكب بكره نصفه بالزباله للاسف تعلمت اخذ

بالكيلوا وعلى قدي فعلا النعمه تستحق الشكر وليش الاسراف

تعلمت كيف احترم المكان اللي اجلس فيه وماخلي اي شي بعدي يعكس شخصيتي

تعلمت الصبر وخسرت الكثير

خسرت العلاقات الاجتماعيه مع الربع

خسرت ناس تمنيت اشوفهم ولكن اخذهم الموت ولي عنهم شهور

اااااااااااااااااااااااااه يالغربه واااااااااااااااااااااه ياشتاء موسكو ما اقساك]]> محمد الخريف 2010-10-18 الشعر النبطي http://reaah.com/dewan/lesson-149-1.html http://reaah.com/dewan/lesson-149-1.html#comments (( صحيح انا بغربتنا ))



من ارض القيصر الثاني اببدع والفكر محتار
وش اكتب في وطن غالي له التحنان يدفعنا

صحيح انا بغربتنا ولكن للوطن مقدار
حرام ان حبه بدمي ولابه شي يمنعنا

بعايدكم واعايد نفسي بيوم الوطن والدار
وبكتب للوطن شعري واعبر عن مشاعرنا

الا يالله يالعالي الكبير الواحد الجبار
تديم النا الفرح والعز لامتنا وقايدنا

وطن يحكمه ابو متعب هذاك الفارس المغوار
وطن ونعيش في ظله واسم الحق رايتنا

وطن لامن سمعت اسمه عرفت اني من الاحرار
احس اني اعيش بجنة والكل يحسدنا

وطن لاثارت الدنيا وصار الجو فيه غبار
قسم لارخص بدمي له وترانا للعمر بعنا

وطن مهما ابكتب فيه توقف دونه الاشعار
ولكن شي بقلبي وهذا العيد يجمعنا ]]> محمد الخريف 2010-03-31 الشعر النبطي http://reaah.com/dewan/lesson-148-1.html http://reaah.com/dewan/lesson-148-1.html#comments
رحلت


رحلت وماخسرت الا خفوق كان في
يمناك طعنته يوم قدم لك حياتـه مرخص فيها

حشمك ويحسب الهقوه حشيمه مانتظرفرقاك
ولكن للأسف حتى الحشيمه منت راعيها

نقضت جروح كانت بي بدت تبرا قبل تلقاك
وجيت وزدت طعنات الزمان وصرت تتليها

تحملتك وقلت اصبر لقيت الصبر في شرواك
مثل طعم الهماج اللي يحوس الطيـن باقيهـا

انا وان مرني طيفك لعنته قلـت لـه منـاك
تنحى عن عيونـي لاتجـي يـوم وتبكيهـا

انا اللي جفت دموعي كثر ماذقت من ويلاك
وانا خوفي يجيني يوم خيالـك ثـم يعميهـا

الا فابشر بطعنات الرماح وجعلهـا تنعـاك
تميم وكل بـدوان الجزيـره تجتمـع فيهـا

والا فابشر لك بقلبا اليامن صحت له خـلاك
تصيح وتحرقك نار النـدم وتـذوق صاليهـا

والا فابشر لك بليل طويل وسرمديـا جـاك
معه تعلن خسارتك الكبيـره وانـت تنعيهـا

ابجمع مابقى عندي من الذكرى واقول انساك
ولوجيت بحياتي يوم ورب البيـت لأنهيهـا
]]> محمد الخريف 2010-03-06 الشعر النبطي http://reaah.com/dewan/lesson-147-1.html http://reaah.com/dewan/lesson-147-1.html#comments


(( ابحمل في يدي سيفي ))



تعبت ابكي تعبت اكتم تعبت اقولك ارجوك
ترفق يازمن باللي يتيه بعالم احـــزانك



انا ماعاد في جسمي مكان من الغدر متروك
بصدري والظهر طعنات رمح بيد عدوانك



اقاوم لين طحت و نزف دمي بالدمع مشروك
نعم اختلطت الدمعه بدم جروح نيشانك



سنين العمر قفت بي وقالت للشقاء خلوك
تنفس كل زفرات الحنين تزود نيرانك



انا ادري يازمن ان السعاده بابها مصكوك
على شخص مثل حالي نزف في وجه بيبانك



ابد لا تعتقد اني ابركع وانهزم وارجوك
انا مادمت اتنفس بجيك بوسط ميدانك



ابمشي والقدم تدمي وابوطى فوق كل الشوك
وابنهض عزتي واكسر حدود الخوف باوطانك



ابطعن كبريائك والغرور وبنتصر وادعوك
واقول ارسل لي الباقي من الفرسان شجعانك



ابحمل في يدي سيفي ولساني بالشعر يهجوك
الين الموت ياخذني بعدها بطلق عنانك]]> محمد الخريف 2010-02-25 مقالات وخواطر http://reaah.com/dewan/lesson-146-1.html http://reaah.com/dewan/lesson-146-1.html#comments
لغة الجسد

قبل ايام كنت ابحث في بعض الصفحات في الانترنت

وفجاه وقعت على مقطع لاحد اغاني الفنان كاظم الساهر

وكان المقطع يقول ( ضمني على صدرك وابعدني عن هالناس )

فكرت فيه هل للجسد لغة غير التي نتحدث بها وهل للجسد تاثير اقوى

من الكلام الذي يعتبر هو السحر !!!

هل احتضان من نحب سوا كان حبيب او ولد او اخت له مفعول اقوى من الكلمات ؟

اسالت تدور براسي وبعد ساعات من التفكير والبحث وجدت ان للجسد فعلا لغته الخاصه

فالعين لها تاثيرها على الانسان لذلك نهى الاسلام عن النظر للمراه الاجنبيه او مصافحتها لانه يعتبر

سر من اسرار الجاذبيه العاطفيه ومثل ماقال الشاعر

ايدي بكت في ايدها نار وجمر
وعيني سكنت في عينها وقالت صبر

يعني حواسنا هي لغتنا الحقيقه لان اللسان ممكن يكذب لكن النظره ماتكذب

لغة الجسد هي اللغة الصادقه فالمصافحه باليد من خلال تعرف مقدار غلاك عند من تصافحه

بقوتها او ارتخائها

الاحتضان من خلاله نشعر بان الجسد هو من يتكلم وقتها واكبر دليل على ذلك هو ان الدموع لاتنهمر بصدق

الا عندما نحتضن من نحب وبقوه شعور نحس فيه بان اجسادنا تخترق بعضها البعض قلوبنا تصدم نبضاتها في بعضها

يعجبني اهل باكستان والهند في طريقة السلام فهم يحتضنون بعضهم بكل صدق ولاتعجبني تلك القبلات اللي نطبعها على خدود البعض

وعيوننا من خلف اكتافهم تحكي الحقد او الكراهيه او حتى الكبر

قد نحن انسان من خلال مانسمعه عنه او من خلال صوته اذا الاذن مثل ماقال الشاعر

من قبل رؤياكم نلنا محبتكم .. والاذن تعشق قبل العين احيان

آه من العين وماتفعله بنا

ياليت عيني غمضت يوم مريت
والاشعره طاحت بها واخطفتها

لغة الجسد من خلال نظره نعبر عن حبنا

من خلال نظره نعبر عن حزننا

من خلال لمسه نعبر عن مدى اشتياقنا

من خلال لمسه نعبر عن مدى وقوفنا مع بعضنا


ياترى اذا كانت كل حواسنا لها لغتها خصوصا في الحب ماذا يفعل من قلبه عاشق

او مثل مايقولون الاولييين ( اللي قلبه اخضر ) !!











]]> محمد الخريف 2010-02-25 الشعر النبطي http://reaah.com/dewan/lesson-145-1.html http://reaah.com/dewan/lesson-145-1.html#comments


(( تعبت ))


تعبت لاكن ماتعبت بسهوله
واجهت في عمري محطات وقيود

مثلت دور وخذت دور البطوله
وعديت في عمري متاهات وحدود

شي اطوله حيل وشي ماطوله
أحيان حظي زين واحيان مقرود

في خاطري ساعات شي واقوله
وساعات تحكي عبرتي دون منقود

مرات كني عايش وسط دوله
ومرات في صحرا وحيدا ومفقود

احيان ياتي الشوق يمي واطوله
وايام لا اشوفه ولاهوب موجود

اشتاق ودي بس لمحه لزوله
وكل مايزيد الشوق يزداد بصدود

مثل المطر لابطى علينا نزوله
تيبس عروق القلب من عشقها زود

ياقلب راح اليوم ما انت بحوله
لو طالت الايام فالعمر معدود

خريف عمري ابتدا في حلوله
والقلب ماينفع ولاعاد به فود

حتى القصيد يعيش اخر فصوله
وماظن مثل اول على الكيف بيعود

الورد لاقرب بداية ذبوله
ياقف ولاكن منحني حيل مهدود

اظن نجمي في بداية افوله
والمح بدايا الشيب في عارضي زود

ياشين حب شوف بس ماتطوله
مثل السراب تلاحقه ماله حدود

ليت الهوى ياناس ميت عذوله
ويعيش راع الحب واعد وموعود

ماكل شي دوم سهلا وصوله
درب تجيه ودرب بالوجه مسدود

وماكل مافي القلب دايم نقوله
وكلامنا للغير محصى ومرصود

الناس صارت من قدرها ملوله
وصارت تدوس برجلها ازهار وورود

حتى الوفا صعب علينا حصوله
والطيب في بعض البشر باب مردود
]]> محمد الخريف 2010-02-17 مسجات شعرية http://reaah.com/dewan/lesson-144-1.html http://reaah.com/dewan/lesson-144-1.html#comments مسجات من تاليفي الجزء ( 30 )


( 1 )


علمتني وش شلون حبك به جنون
وعلمتك ان الحب قمة جنوني

علمتني كيف اعشق الغيم والكون
وعلمتك ان العشق كونك وكوني


( 2 )


علمتني وش شلون حبك به جنون
وعلمتك ان الحب قمة جنوني

علمتني كيف اعشق الغيم والكون
وعلمتك ان العشق كونك وكوني


( 3 )


احاول انا اخفي عن مخاليق ربي
حبك ولاكن العيون افضحتني

متى يكون اليوم دربك بدربي
واقول هذي نور عيني وجتني


( 4 )


بعض الغياب يشق صدري ولابيه
وبعض الغياب اطالبك يوم غيبه

بعض الزعل ودك ولو يوم تبديه
وبعض الزعل يابنت ماينحكي به


( 5 )



البارحه مانمت هاجس وهاجوس
وانا اتقلب في فراش من الهم

من عقب ماهي داخل القلب وتحوس
صارت بعيده والشمل تو مالتم


( 6 )



للشوق في قلبي رعود وبراكين
والنار تغلي والمشاعر تنادي

ياغايبه عن عالمي كان تدرين
من يوم غبتي والفكر صار غادي
]]> محمد الخريف 2009-12-21 مقالات وخواطر http://reaah.com/dewan/lesson-143-1.html http://reaah.com/dewan/lesson-143-1.html#comments
(( اشياء تشبه الحب ))


في احد الايام كنت انظر الي احدى المسلسلات بالتلفزيون وكان على نهايته تقريبا المهم انتهى وشفت عنوانه بكل صراحه العنوان شدني كثير

فكرت فيه وسرحت كثير وكان العنوان اسمه ( اشياء تشبه الحب ) قلت بنفسي هل فعلا في

اشياء تشبه الحب وماهي حب ؟

هل هناك امور نظنها حب ونتفاجا انها ليست حب ؟

اسئلة كثيره دارت ببالي وقلت ياترى ماهي هذه الاشياء ؟

هل انجذابك لشخص معين في لحظات عابره وتفكيرك به هو من اللي تشبه الحب ؟

يمكن مرات نمر بمثل هالمشاعر لكن اول مره اوقف عندها واسال نفسي عنها

وانا في خضم تفكيري طرت على بالي اغنية ابونوره فناني المفضل يوم قال

ماكل حب يدخل القلب سكان
بعض الغلا لامن خذا ايام راحي

يروح كنه ماتصور ولاكان
ويمحاه من لوعات الايام ماحي

وقتها بس عرفت انه الغلا ويااااه يالغلا يامن تشبه الحب ولست حبا

الحب احساس اذا لم ياخذه حقه من الوقت فليس حب

اي شي يجي بسرعه يروح بسرعه مثل مايقولون حتى المشاعر

حنا بعصر السرعه تلاقي لك اثنين حبوا بعض عقب العصر بالنت وبالليل يهيم بها وتهيم فيه

كانهم عشقوا بعض من سنوات والصباح تبدا المشاكل ومن بكره ينتهي هذا الحب !!!

فعلا حنا بعصر السرعه

امور كثيره صارت تسابق الزمن مشاعرنا شعراءنا

اول قصيده لي كتبتها عام 1409 هجري تقريبا وقتها ماكنت اسمع بالشعراء خصوصا في ديرتي

الا قليل واغلبهم كبار السن طبعا ومنهم الوالد الله يرحمه

واليوم صرت اسمع اسماء شعراء اكثر من شعر راسي وبديرتي بعد يالك من عصر

تبي قصيده ؟

البعض ممكن بدقايق يكتب لك 20 بيت وكنها شربة مويه على قولتهم

ومثل مافيه اشياء تشبه الحب

هناك اشياء تشبه الشعر

كل الود لكم
]]>