هذه قصيده قالها الشاعر الوالد ( حفظه الله) : عبدالله بن ظاهر الخريف
شربت من كاس الهوى كم قرطوع
واليوم غزلان المها جنبني
البغض عقب الحب يالبيض ممنوع
خوفا من الله يالمها وارحمني
الراس شاب ورحت مامنك منفوع
وجنبت طاروق الهوى واقنعني
راح الشباب وعندنا كنه سبوع
واثر الليالي الماضيات ادركني
امنولا صوتك مع الناس مسموع
واليوم ماحدا يسمعك لو توني
امشي على الرجلين واجلس على الكوع
واليابغيت اقوم ماينهضني
وين الرجال اللي لها سلوم واطبوع
اللي يشيلون المهمات عني
قفوا وخلوني على الدرب مفجوع
وحن الفؤاد وعقبها قمت احني
ورديت على الوالد بهذه القصيده المتواضعه
درب الهوى يابوي مافيه ممنوع
ومن هزه التذكار لازم يغني
لانتاب لاشايب ولانتاب مقطوع
حنا لك الخدام والك التمني
آمر وتلقى امرك اليوم مسموع
والكل منا مايعرف التوني
ارواحنا يابوي تجعلك دروع
واموالنا يابوي لاجلك بقني
انت عمود البيت والبيت مرفوع
ومن ونتك يابوي والله اوني
ترى شبابك داخلك القلب مزروع
ويم الفلا يابوي تبغيك عني
|
شربت من كاس الهوى
ارسل القصيدة لصديق
طباعة القصيدة 
حفظ القصيدة كملف Word
حفظ القصيدة كملف PDF
