هذه قصيده ارسلتها الي اخي الشاعر عزام الخريف
ياخوي هيضت المشاعر والاشعار
وارسلت لك حرفين بالواو والنون
ونيت من كثر العنا ذقت الامرار
ونيت ونة شايب ٍ صار مسجون
جته الديون ولاعطي صك الاعسار
ولارحموا بزرانه اللي يصيحون
سود الليالي باغتتني بالاقدار
وانا أحمد اللي رحمته تاسع الكون
جمعتها دنيا خذتني بالاعمار
راحت وقفت كنها حلم وضنون
مانيب ضايق لا أحترق ثوب وجدار
عقب السلامه كلها عندي تهون
وهذا ردي اخوي عزام علي القصيده
حي الحروف اللي كوت قلبي بنار
ومن حرها قمت أكتب البيت بالهون
أنا فديتك ياولد مكرم الجار
عندك خبر انك على عمري تمون
ياونة ونيتها سر وجهار
ونة عويد ٍ جوه ربعه يعزون
راحوا عياله عقب ما صاروا كبار
وأقفى يهل الدمع ضايق ومغبون
دنياك ما تسوى ولو صار ما صار
كم عاقل ٍ باسبابها صار مجنون
خلك عل شينات الايام صبار
والصبر زين والفرج فيه مضموون
|
الواو والنون
ارسل القصيدة لصديق
طباعة القصيدة 
حفظ القصيدة كملف Word
حفظ القصيدة كملف PDF
