هذه قصيده قالها الشاعر الاخ عبدالله العصيمي
سويت فنجالً مـن البـن والهيـل
صبيتـة وسقتـة لـراع الجميلـة
ماني معديهـا زحـول الرياجيـل
الي يشيل الحمل ثـم يرتكـي لـة
عيال الرجال مورثيـن المشاكيـل
اهل المواقـف والفعـول النبيلـة
منهم راعي تمير وابـن الحلايـل
ابن الخريف عـز منهـو زميلـة
يامحمد انشوف جا في وقتنا ميـل
وقتً بان في تالـي الوقـت ميلـة
فية تنومس ناقـل الفشيلـة
اسامي وسط اجسام مابة محاصيل
واحدهم يسعـى القـال والقيـل
الي رصيدة مع الرجـال لـردى ويعديلـة
العام سيوف الغدر تطعن بنا حيـل
مهوب والله سيـف راع الكحيلـة
لسان نمام يحط فا الوقـت ويشيـل
يهد ويني فـا الجسـور الطويلـة
واليوم اشوف خيال يبرق وانا اخيل
البـرق يبـرق فاالمـزون الثقيلـة
الله يكافي مـن شـرور المقابيـل
يارب مامنشـي سحـاب المخيلـة
العلم لة مصدر والبابـة مداخيـل
ليا عتـزا حمـاي منجـي دخيلـة
حنا جيل مورثن فا الزمـن جيـل
ولنـا بعـد والله مبـادي قبيـلـة
قبيلتن يشهد لها السيـف والخيـل
خويهـا مـع جارهـا تعتزيـلـة
من غير قصور فا الرجال المشاكيل
كلً يبقـى فـي رصيـدة حصيلـة
يامحمد جاك مني موجز وتفصيـل
راعي الفتل والنقض سهل تحليلـة
ورديت عليه بالاييات التاليه
ياعل يمنى ساقت البن والهيل
تبقى على مر الليالي طويله
يامرحبا ببيات شعرا كماالسيل
لاطاح بارضا من زمان محيله
من نظم شاعر يكتبه دون تعديل
والياكتب شعره فلا فيه حيله
تكفى يابو ماجد ترى الوقت به ميل
ومن لاخذا بالشور ماخوذ غيله
فيها الحصيني يرفع الراس والذيل
وامنولا مقطوع راسه وذيله
صار الطعن يسهل بظهر الرجاجيل
راحت سلوم الناس هي والقبيله
ماعم لكن الزبد يتبع السيل
وبعض البشر وسط الجماعه فشيله
ربعي تميم رجال جيلا ورا جيل
دين وشجاعه والعلوم الجزيله
ذباحة الطليان حماية الليل
اللي لهم تاريخ كلا يشيله
ماهمني راعي الهذر قال اوقيل
ومن يتبع الهذار ينهد حيله
خذ علمي اللي يوصلك دون توصيل
والله فلا اقف للعلوم الهزيله
افخر بصحبة متعبين الفناجيل
اللي ايديهم باللوازم طويله
من نسل ناس دون ارواحها تعيل
عتبان والعتبان نعم القبيله
|
عتبان والعتبان نعم القبيله
ارسل القصيدة لصديق
طباعة القصيدة 
حفظ القصيدة كملف Word
حفظ القصيدة كملف PDF
