قولولها - ديوان الشاعر محمد الخريف

قولولها			أضيفة في: 9-10-1430هـ
(( قولولها )) قولوا لها وان كان هي ناسيتني انا ذبحني شوقها من غلاها قولولها بالصد هي عاقبتني وانا اتحرى يوم لحظة لقاها قولوا لها سود الليالي غدرتني والارض ضاقت بي وضاقت سماها قوللوا لها بالحلم هي زاورتني وفزيت وعيوني على الخد ماها قولوا لها دنياي ماطاوعتني لاتحسب اني مرخصا في هواها قولوا لها وان كان يوم اذكرتني هذاك روحه بالهوى لك عطاها قولوا لها لو ابعدت واتركتني عز الله ان قلب المعنى معاها قولوا لها لو مت يوم وبكتني هذاك مات ودنيته ماقضاها قولوا لها راحت ولاودعتني مدري خطاي اليوم والا خطاها قولوا لها نار الفراق احرقتني واحس بعضامي تزايد صلاها قولوا لها ان مرجعت واحضنتني والله لاتل عروق قلبي وراها والله لادوسه دوس يامزعلتني واحفر لروحي قبرها في ثراها
الشاعر: محمد الخريف
خيارات القصيدة: ارسل القصيدة لصديق طباعة القصيدة حفظ القصيدة كملف Word حفظ القصيدة كملف PDF