هذه مساجله بيني وبين اخوي الغالي كاتم الونه ( ابو منصور )
هذي هي قصيدته الموجهه لي
الله ..مـن هــمٍ يسـن السكـاكيـن
يـقـطّـع الضلـع الضعــيـف النحـيّف
مابين (جيم)اتعب الى حزة السيـن
دوووامـــةٍ تـدعـي العـواذل تكيّف
هاجـس يـحـقـق والفـكر من شيـاطين
ولاجاء الجواب عوّد ياليته يصيّف
سـلاااااام يـالجـارح تـحـيـة وتـأبـيــن
يـاجـارحٍ سـلك الغلاا ذا الرهـيّف
المشرط اللي في يدك من بـلـد ميـن؟
من دقـتـه يـكشـف قنـاع المـزيّـف
يجـرح مـن الهـامـة الى شـبّكـة العين
بلمحة بصـر ناش الفـؤاد الضعيّف
حتى الخواجة والعرب وأمهر الصين
مـحـدٍ تـحـكم بـالحـديــد السـخـيّف
وانـتــه تـحكم بـه وعندي .براهيـــن
الف ومـيـة زايــد ثـلاثـة .ونـيّف
يـاشـوكـةٍ تـغـرس على ثـمرة التـيــن
وادمت شفايف من وصلها مصيّف
يـاشـوكـةٍ تـنـمـو علـى حـفـرة الطين
وش؟ طلـعك بيـن الثـمار المـكيّف
خـلـك لغــم فـي حفــرتك للمـسـاكين
على الاقل تبـقى في عـيني شريّف
ولاتـمـتـحن !طرقي يـمـر البساتين
عـارف محابـيــلك وتـبـقـى عريّف
خـلـه!يـعـالـج عـلـتـه بـينـه وبـيـن
بـيـنـه وبـيــن.المــر لــوه كــليّف
ماجـيـت لك شاكـي ولا لي عناويـن
.جيـت الهدف تـبريـك لابن الخريّف
وهذا هو ردي علي الشاعر كاتم الونه
يامرحبا واعداد نبت البساتين
بالشاعر اللي شوفتي له تكيف
ابيات شعرك حدرت دمعة العين
سمعتها الفين مره ونيف
الله يبارك فيك واقول هالحين
زان القصيد وفز قلب الخريف
ياشاعرا يكفي من بيوته اثنين
شعره جزل ماهوب شعرا خفيف
عقدت انا حبالي وشديتها زين
وسميت باسم اللي خلقني لطيف
ياصاحبي واللي رفع راية الدين
مايقدرك راع الدقاق الصخيف
عقلك رزين وعارف الزين والشين
حد السمان وخل عنك النحيف
الشوكة اللي داخله ثمرة التين
اقطع ثمرها لا تجيها مصيف
ماينبغى الينبوع لاخالطه طين
خله شراب المندفع والضعيف
ومن جرح سلوك الغلا حمله دين
قله ترا دين الحبايب كليف
ومن صد يبشر من عيوني بثنتين
الصد والحقران وشغلا يكيف
مبرووك يالغالي وتبـقـى ملايـيــيـن
شــدّ الـرواق الله يـعـيــنـك وقــيّف
|
مساجله مع كاتم الونه
ارسل القصيدة لصديق
طباعة القصيدة 
حفظ القصيدة كملف Word
حفظ القصيدة كملف PDF
