من ارض قيصر
( من ارض قيصر ))
من ارض قيصر والديار البعيدات
ومن الثلوج اللي تغطي شجرها
حبيت ا هني سيدي بالبطولات
خالد ولد سلطان دافع مهرها
ياسيدي ليثك زئر وسط غابات
خلى النمور تهج تترك اثرها
شفنا عيال عطيف في كل هجمات
وناصر مع السعران واللي حضرها
الليث يوم انقض عجل بضربات
ونمور جده بالزوايا حشرها
لعب الخشونه ضعف من قل حيلات
روحوا لجده واشربوا من بحرها
في ربع ساعه ضربتين ثقيلات
وانتيف يصرخ ليلتي ياقشرها
ثم جات ثنتين وياحلوها جات
اشلائهم عقب التجمع نثرها
قالوا بيلعب نور قلنا لهم هات
ورجلين نور الليث قام وعقرها
قوموا اكتبوا بالصحف هي والمجلات
وذيعوا على التلفاز واقع خبرها
قولوا اسد من قابله ياملا مات
والقلعه اللي تعتصي له دمرها
الليث هذي عادة بالمنصات
خطف الذهب هي عاده لاحضرها
قالوا بلا جمهور ومن دون صيحات
قلنا زئير الليث يعني خطرها
معروف من ينبح سوا وسط صيحات
والا الاسد تكفيه زئره زائرها
قطع قلوب اللي كتب بالمقالات
ومن حط اسمه في رهانه خسرها
يابو الوليد اليوم اصرخ بضحكات
ارقد وخل العين تنسى سهرها
مكتوب اسمك بالذهب في السجلات
وبصمات ليثك في البطوله حفرها
|
من ارض قيصر
ارسل القصيدة لصديق
طباعة القصيدة 
حفظ القصيدة كملف Word
حفظ القصيدة كملف PDF
