وهذه القصيدة من الشاعر\ثامر البصري
بديت بسم الله عليم بالاسرار
الواحدالمعبود منشي سحابه
وارسلتلك مرسول يعطيك الاخبار
ودي تعرف الحال واللي سطابه
ودي ترد الخط يانسل الاحرار
وتشفي غليل القلب واللي طرابه
ياصاحبي في هالزمن شفت الامرار
ولا عاد ألاقي واحدٍ ينغزى به
راحو النا أصحاب لهم كل مقدار
ياشين بعض الناس وهرج حكابه
بعض العرب ياصاحبي شوفه امطار
والبعض ما ودك بدرباً مشابه
أنا كتبت ومقصدي تعرف اشصار
في حال دنياها لشقاء والمها به
لالا تكلم احترس دوم واختار
شخص إلى جاء واجباً ينتخابه
أنانخيتك ياولدمكرم الجار
تشوف مايشفي فؤادي وعذابه
وهذه رد على الأبيات السابقة:
حي الجواب اللي وصلني بالأشعار
ويامرحبا باللي لفاني كتابه
يشكي عليه من تواعيس الاقدار
ويقول وقتي كشر اليوم نابه
أبشر ياابو سلطان لياك تحتار
جاك الجواب اللي ضميرك هقابه
ياصاحبي من عادة الوقت دوار
يوماً يزين ويوم كدراً شرابه
وألا الرفاقه دونها ترخص أعمار
للصاحب اللي مايبين الردى به
لامن نخيته لو على درب الاخطار
يمشي لو ان الدرب كله ذيابه
والابعضهم تكرم ان كنه حمار
راسه كبير ولايعرف الذرابه
انحش عن اللي سمعته فوقها غبار
لو يكوي شماغه وعطر ثيابه
خلك مع الطيب ولو صار ماصار
قد قالوا ان الطيب عز ومهابه
|
مساجله بيني وبين الشاعر ثامر البصري
ارسل القصيدة لصديق
طباعة القصيدة 
حفظ القصيدة كملف Word
حفظ القصيدة كملف PDF
