ياوقتي اللي شفت فيك الغرابيل
عزاه ياوقتآ قليل المروفه
هذي هي الدنيا محطة مقاييل
كم واحدآ قفى عليه الحسوفه
دنيآ توريك العزاير مع الويل
ماتلتفت للي يعاني ضروفه
كم واحدآ قد شاف هم وبهاذيل
ومن حرمابه قام يصفق كفوفه
ورتني الدنيا مع الوقت تحليل
وقالت ياويل اللي تعوج صفوفه
فأيامها ماشفت يومآ الى الليل
صافي ولا قد شفت غير الكسوفه
دنيآ تقطع صافيات المواصيل
وتمنع وليفآ عن وليفه يشوفه
وتجرعك كاس المراره بتذليل
ومن يعترض يبشر بعجآ يسوفه
ياليل ياللي فيك تحلي التعاليل
أسامر نجومك وأسامر طيوفه
ساقتني الدنيا بعقل المهابيل
من يوم راح اللي ثلاثً حروفه
ماعاد افرق بين صعب وتساهيل
وماعاد انا اعرف سهلها من جروفه
من يوم قفى ابو رموشآ مضاليل
أقفى بقلبي في دروبه يلوفه
لكن ابا اصبر ياعسى يصلب الميل
وتزين لي واشوف كامل وصوفه
وان ماحصل شوفه فلا عاد لي حيل
والوقت يمضى والمدامع ذروفه
ياليل انا خايف ليلآ مقابيل
لاواعنا قلبي أليا ابطي بخوفه
الترف قفى مثل مايقفي السيل
يالله عسى الغالي ترده صدوفه
هذي هي الدنيا وهذي العواذيل
وهذي سواة الوقت وهذي صروفه
|
ياوقتي اللي شفت فيك الغرابيل
ارسل القصيدة لصديق
طباعة القصيدة 
حفظ القصيدة كملف Word
حفظ القصيدة كملف PDF
