ألا ياترف ماترفق عليه
طويت الحال طيه فوق طيه
أسامر كل نجمآ لين يضوي
سهير الليل وعيوني شقيه
من الهجران قلبي ماتحمل
يقول الله واكبر الخطيه
ألا يازين ماترحم وتاوي
على من قال خذ قلبي هديه
يزول الهم لامني لقيتك
مثل مازال عصر الجاهليه
وتقول اليوم أو عقبه لقانا
وراح الحين شهرين وشويه
أذوق الهم أنا في كل ليله
تعودت وغدى عندي سويه
وكلآ قال عزام متهني
مع الخلان والله ياهنيـــه
ولا يدرون عن همي وعذابي
وكل ليله أقوم اكتب وصيه
أخاف الموت ياخذني بغفله
من اسبابك ولاعندك حميه
وكم واحد عن الحب يعذلني
وأقول ابعد ومالك خص فيه
مثل خلي فلا والله أدور
لونه قرب لعمري المنيه
عليه عيون تذبح من نظرها
ورمشآ فيه سحر وجاذبيه
ومجدولآ الين الرجل واصل
ولا من قام شالته الخويه
وعليه نهود وسط الصدر زمت
والا ياحلو ضمه في ايديه
من اسبابه انوح الليل واسهر
وأجادل فيه عذال الوشيه
ألا ياترف يكفي ماحصلي
ويكفي ماجرا يازين فيه
|
ألا ياترف ماترفق عليه
ارسل القصيدة لصديق
طباعة القصيدة 
حفظ القصيدة كملف Word
حفظ القصيدة كملف PDF
