ديوان الشاعر عزام الخريف » قصائد غزليه » ياطير تكفى لاتعديت ياطير

 ياطير تكفى لاتعديت ياطير  أضيفة في: 16-2-1431هـ
ياطير تكفى لاتعديت ياطير
حدر على دار أريش العين ليله

حدر على غروآ منازله بتمير
قله ترى روح المعنى عليله

من عقبكم والله ماهوب في خير
دمعه على خده تزايد هميله

يصبح ويمسى بين همآ وتفكير
جسمه نحل والحال ياعزتيله

ياطير حبه له معزه وتقدير
وماأحدآ يبي يلقى لخلي مثيله

لا من نظر يذبح رجال مناعير
وفي غمزته سهم المنايا يشيله

ولا من ضحك كن النجوم المسافير
في وسط مبسم خلي ضافي الجديله

ياطير من عقبه تهزوابي الغير
وقالوا علام صويحبك ماتجي له

ياطير خذ مني رسايل معاذير
ياكود يرحم ويتذكر خليله

ياطير تكفى لايجي منك تاخير
عجل تراني فوق حر المليله
الشاعر: عزام انقر هنا لمراسلة عزام أنقر هنا للإنتقال إلى موقع عزام إضافة للمفضلة إضافة لمفضلة Google إضافة لمفضلة Delicious إضافة لمفضلة Digg إضافة لمفضلة Facebook
خيارات القصيدة: ارسل لقصيدةلصديق ارسل القصيدة لصديق  طباعة الدرس طباعة القصيدة   حفظ لقصيدةكملف Word حفظ القصيدة كملف Word  حفظ لقصيدةكملف PDF حفظ القصيدة كملف PDF

التعليقات
لا يـوجـد تـعليـقات على هـذه القصيدة


Powered by SaphpLesson 4.0
Programmed By Digital Technologies Team