تغلى لاتجي يا ابوثماني
فلا تحسب عليك احدآ حداني
تغلى لو تروح شهور عني
أنا أنسى اللي نساني في ثواني
لقيت اللي يبيني في المودة
شريته في المحبة واشتراني
صدفته في مكانآ مايوصف
ألا يازين هذاك المكاني
غزالآ يسحر العشاق شوفه
أنا أحمد ربي يومنه بلاني
مثل بلوى المحبين ارتجيها
وأقول السهم ليتنه رماني
ومن لايحتوى قلبه موده
تراه يموت قبل يكون فاني
ومن لايبتلش في حب خله
ويذوق اللي يعرفون المعاني
فلا يحسب هواه الا سوالف
تروح وتنسى مثل السواني
تنشد عن هوى الاول وناظر
يذكر حبهم في ذا الزماني
حبيبي وأفتخر يومه حبيبي
حبيبآ مخلصآ في كل شاني
اليا مني تباطيته نصيته
وهو لاأبطيت عن عينه نصاني
ولا يسمع كلام الناس فيه
ولو سمعه تعنا هو وجاني
يقول الناس ماتقدر تفرق
عساني ماأفقدك يالله عساني
بنا في وسط قلبي بيت وشيد
مقاصيرآ رفيعات المباني
بناها ثم سكن فيها لحاله
وقال اليوم ماغيرك هواني
عسى الله يجمع الشمل ويلمه
الين نصبر كن الحن اخواني
|
تغلى لاتجي يا ابوثماني
ارسل القصيدة لصديق
طباعة القصيدة 
حفظ القصيدة كملف Word
حفظ القصيدة كملف PDF
