ليت منهو راكبآ له في سفاري
يقطع الطرقات وخطوطآ طويله
سايقه في سرية الغبشات ضاري
عارفآ دربه ولا يبغى دليله
ينتل الموتر وطول الليل ساري
ينتحي لديار منقوض الجديله
صاحبآ لي فيه لابايع وشاري
علني ألقاه وأقضي معه ليله
صاحبي ماداج في وسط الحواري
لابس البرقع ولاقد لبس شيله
الغضي في دفتر العشاق قاري
مااخذآ اكبر علامات وحصيله
شددوه وراح قلبي له يباري
جعل منهو راح به ربي يزيله
جاريآ لي من هوى المزيون جاري
ماقدرت أصبر ولافي يدي حيله
والله اني لاأخذ بثاره وثاري
ياجماعة وين ابلقى لي مثيله
تحسبون الزين يشر في المذاري
من بغى له خل وقف له يشيله
الهوى كايد ويبغى له مداري
مايبي له واحدآ يتفض شليله
اذكر عقاب العواجي وانت داري
وش جراله في هوى نوت الجميله
هاجسه في الصبح ومسراه الغداري
لين باح السد في راس الطويله
ومن هوى لابد مايلقى العزاري
حالته غبرى ومطويآ صميله
لي ثمان اشهر وانا تحت المحاري
كل مازل الشهر قمت احتري له
ماجداي الا كثيرات الطواري
لانظمت البيت لاجله اهتوي له
|
ليت منهو راكبآ له في سفاري
ارسل القصيدة لصديق
طباعة القصيدة 
حفظ القصيدة كملف Word
حفظ القصيدة كملف PDF
