بديت باسم اللى من النار ينجيك
واسم الولي يبدابه الخير كله
مااحد ٍ حماك بدنيتك غير واليك
ولااحد ٍ يوصف دربا ً الا يدله
قم والتفت ياللي مضيع مماشيك
واحذر ترى بعض الرفاقه مضله
أحدآ على درب العواجه يوديك
ممشآ ردي وفيه تسعين عله
يضحك معك وداخله سم يعميك
مافيه خير وزايد الطين بله
وماأظن في دربك تشاهد مواطيك
ياحيث في دربه ظلام ومضله
واحدآ على غير المصالح يخليك
وليا من بغاك يراقبك مثل ضله
واحدآ على قول القفا هرجته فيك
سيفه على درب النمامه يسله
هذاك وهذا لا ولا لا يعاديك
غير الشقا في رحلته ماحصله
واحدآ على طرق الليالي يخاويك
يمشي معك ومرافقه ماتمله
لامن ندبته قال وين انت واجيك
وتعجز على مثل الليالي تذله
هذا الرفيق اللي يسرك ويشفيك
خلك معه وان قالو الناس خله
خلك مع الطيب وسله يسليك
وان بان فيه العيب فانصحه وقله
تكفى وتكفى لايبين الردى فيك
واعرف ترى غير الشكاله مذله
عزاه ياللي ماتساوت خطا ويك
تمشي وتعثر رجلك أدناة زله
دنياك فيها اللي يسرك ويشقيك
وليا صفت ياحظ منهي تعله
ومااظنها ساعه صفاها تناديك
ومااظنها ورق المحبه تفله
هذا كلامآ من ضميري لخافيك
ياكود يلقى في ضميرك محله
|
الآصـــــــدقــــاء
ارسل القصيدة لصديق
طباعة القصيدة 
حفظ القصيدة كملف Word
حفظ القصيدة كملف PDF
